जुन्या शिवसैनिकांनो तुम्ही फक्त खुर्च्या, स्टेज लावा, आंदोलन करा, केसेस घ्या. तुमची किंमत नाही की तुम्हाला पक्ष आमदारकी देईल.
मुंबई, दि. ३० ऑक्टोबर : शिवसेना आपल्या कोट्यातून अभिनेत्री उर्मिला मातोंडकर यांना विधानपरिषदेची उमेदवारी देण्याची शक्यता वर्तवली जात आहे. खुद्द मुख्यमंत्री उद्धव ठाकरे यांनी या संदर्भात उर्मिला मातोंडकर यांना फोनवरुन संपर्क केल्याची माहिती सूत्रांनी दिली आहे. त्यावरुन आता भाजपचे नेते निलेश राणे यांनी शिवसेना उर्मिला मातोंडकर यांना उमेदवारी देत असल्यामुळे जुन्या शिवसैनिकांनो तुम्ही फक्त खुर्च्या, स्टेज लावा, असे म्हणत टोला लगावला आहे.जुन्या शिवसैनिकांनो तुम्ही फक्त खुर्च्या, स्टेज लावा, आंदोलन करा, केसेस घ्या. तुमची किंमत नाही की तुम्हाला पक्ष आमदारकी देईल. तसेच एक वेळ अशी येईल की एका मित्र मंडळाकडे जास्त कार्यकर्ते असतील पण शिवसेनेत नसतील, असे त्यांनी म्हटले आहे.