कृषिमंत्री आर दोराइकन्नू तंजावूर जिल्ह्याच्या पापनासम विधानसभा मतदार संघातून तीन वेळा निवडून आले होते.
चेन्नई, दि. ०१ नोव्हेंबर : तामिळनाडूचे कृषीमंत्री आर दोराइकन्नू यांचं शनिवारी रात्री निधन झालं. ते कोरोना विषाणू संक्रमित आढळले होते. दोराइकन्नू मृत्यूसमयी ७२ वर्षांचे होते. दोराइकन्नू १३ ऑक्टोबर रोजी करोना पॉझिटिव्ह आढळले होते. कावेरी रुग्णालयाचे कार्यकारी संचालक डॉ. अरविंदन सेल्वराज यांनी दिलेल्या माहितीनुसार, शनिवारी रात्री ११.१५ मिनिटांनी कृषीमंत्री आर. दोराइकन्नू यांनी अखेरचा श्वास घेतला.कृषिमंत्री आर दोराइकन्नू तंजावूर जिल्ह्याच्या पापनासम विधानसभा मतदार संघातून तीन वेळा निवडून आले होते. तामिळनाडूचे राज्यपाल बनवारीलाल पुरोहित यांनी आपलं दु:ख व्यक्त करताना, 'आर दोराइकन्नू हे त्यांच्या साधेपणा, नम्रता, शासन कौशल्य आणि शेतकरी समुदायाच्या हितासाठी वचनबद्धतेसाठी परिचित होते. त्यांनी कृषी मंत्रालयाला पूर्ण समर्पणभावानं हाताळलं. दोराइकन्नू यांच्या अकाली निधनानं तामिळ जनतेचं न भरून येणारं नुकसान झालंय' असं म्हणत आर दोराइकन्नू यांना श्रद्धांजली अर्पण केली.