IMG-LOGO
राष्ट्रीय

रिटेलर कंपन्या बदलताहेत व्यूहनीती आणि कार्यपद्धती

Thursday, May 13
IMG

बिग बझार, रिलायन्स, डी मार्ट यांच्याबरोबरच फ्लिपकार्ट, मेझॉनसारख्या कंपन्यांनी आता एकमेकांचे अनुकरण सुरू केले आहे.

मुंबई, दि. १३  मे :  कोरोनाचे न संपणारे संकट आणि त्यामुळे वारंवार लागणा-या टाळेबंदीमुळे मॉल बंद पडले आहेत. मॉलमध्ये किराणा ही अत्यावश्यक सेवा असली, तरी आता मोठ्या साखळी मॉल्सने आपल्या व्यूहनीतीत आणि कार्यपद्धतीत बदल केला आहे. मॉल्सची रिटेलर साखळीही आता ई-कॉमर्सचा अवलंब करायला लागल्या आहेत.बिग बझार, रिलायन्स, डी मार्ट यांच्याबरोबरच फ्लिपकार्ट, मेझॉनसारख्या कंपन्यांनी आता एकमेकांचे अनुकरण सुरू केले आहे. बिग बझार, रिलायन्ससारख्या कंपन्यांनी आता ऑनलाईन नोंदणी आणि घरपोच सेवा सुरू केली आहे. टाळेबंदीमुळे मॉल्स बंद असल्याने आणि कर्मचारी बसून आहेत. त्यामुळे त्यांच्या हाताला काम देण्यासाठी आता कार्यपद्धतीत बदल केला आहे. ऑनलाईन नोंदणी आणि दोन तासांत घरपोच सेवा असे फंडे सुरू करण्यात आले आहेत. वॉलमार्ट कंपनी फ्लिपकार्ट देशातील अनेक शहरांमध्ये आपल्या किराणा केंद्राची क्षमता वाढविण्यावर लक्ष केंद्रित करत आहे. कंपनी आपली क्षमता 8 लाख चौरस फुटापर्यंत वाढवेल. ती दररोज 73 हजार ऑर्डर पूर्ण करेल. ही क्षमता वाढ पुढील तीन महिन्यांत पूर्ण होईल. दिल्ली, कोलकाता यासारख्या शहरात ही सुविधा असेल. दिल्ली, कोलकाता आणि इतर शहरे प्रामुख्याने किराणा सामानाची क्षमता वाढवण्यासाठी निवडली गेली आहेत. या अतिरिक्त क्षमतेमुळे दररोज 73 हजार लोकांच्या ऑर्डर पूर्ण केल्या जातील.फ्लिपकार्ट आपल्या किराणा व्यवसायासाठी पुरवठा साखळी इन्फ्राची स्थापना करीत आहे. या भागामध्ये ती ही क्षमता वाढवत आहे. पाच नवीन केंद्रांच्या माध्यमातून ही क्षमता वाढविण्यात येणार आहे. या अतिरिक्त इन्फ्रामुळे देशभरात ऑनलाईन किराणा दुकानदारी सुलभ होईल, असे कंपनीने निवेदनात म्हटले आहे. फ्लिपकार्टच्या किराणा विभागात 200 श्रेणी अंतर्गत सात हजारांहून अधिक उत्पादने उपलब्ध आहेत. यात दररोज घरगुती वस्तू, स्नॅक्स, शीतपेये, कन्फेक्शनरी आणि वैयक्तिक काळजीच्या वस्तू असतात. सध्याचे किराणा केंद्र दिल्ली, मुंबईसारख्या शहरात आहे. सध्याचे किराणा केंद्र नेटवर्क दिल्ली, मुंबई, बंगळूर, चेन्नई आणि हैदराबादसह इतर काही शहरांमध्ये आहे. ते दररोज सुमारे 64 हजार ऑर्डर पूर्ण करतात. 1.40 लाख ऑर्डर नवीन अतिरिक्त क्षमतेसह दररोज पूर्ण केल्या जाऊ शकतात. त्याची पूर्तता केंद्र पूर्णपणे स्वयंचलित आहे आणि त्यामध्ये पॅकिंग, शिपिंग प्रक्रियेपासून ते सुरक्षिततेपर्यंत सर्व काही आहे आणि वेळोवेळी ऑर्डर पूर्ण करतात. ई-कॉमर्स एक सुरक्षित आश्रयस्थान म्हणून उदयास आले आहे कोरोनाच्या काळात ई-कॉमर्स एक सुरक्षित आणि सोपे साधन म्हणून उदयास आले आहे. या कंपन्या ग्राहकांच्या सुरक्षेचा विचार करून डिलिव्हरी देतात. महत्वाच्या गोष्टींच्या ऑर्डर थोड्या वेळात आणि सुरक्षितपणे पूर्ण केल्या जाऊ शकतात. कंपनी वस्तूंचा साठा उपलब्ध करुन देण्यासाठी ब्रँड आणि मार्केटप्लेसच्या भागीदारांशी सतत काम करत असते. गेल्या महिन्यात, फ्लिपकार्टने दिल्ली, गुरुग्राम, गाझियाबाद, नोएडा, हैदराबाद आणि पुणे या सहा नवीन शहरांमध्ये फ्लिपकार्ट क्विकमार्फत आपली हायपरलोकल सेवा सुरू केली. यामुळे ग्राहकांना दररोज आवश्यक वस्तूंमध्ये मिळू शकतात. कंपनी अवघ्या काही मिनिटात फळे आणि भाजीपाला माल वितरीत करते.मुकेश अंबानी यांची रिलायन्स रिटेल जगातील सर्वात ताकदवान 250 रिटेल कंपन्यांच्या यादीत स्थान मिळवणारी एकमेव भारतीय कंपनी ठरली आहे. रिलायन्स रिटेल जगातील सर्वात वेगाने वाढणार्‍या रिटेल कंपन्यांमध्ये दुसर्‍या क्रमांकावर आहे. डेलॉईटकडून ग्लोबल रिटेल पॉवर हाऊस 2021 ची यादी जाहीर करण्यात आली आहे. डेलॉईटच्या ग्लोबर पॉवर्स ऑफ रिटेलिंगच्या यादीत रिलायन्स रिटेल 53व्या क्रमांकावर आहे. मागील वर्षी रिलायन्स रिटेल 56 व्या क्रमांकावर होती. या यादीमध्ये वॉलमार्ट पहिल्या क्रमांकावर अबाधित आहे, तर अ‍ॅमेझॉन दुसर्‍या क्रमांकावर आहे. कॉस्टको होलसेल कॉर्पोरेशन तिसर्‍या क्रमांकावर आहे आणि जर्मनीचा श्‍वार्झ समूह चौथ्या क्रमांकावर आहे. या यादीमध्ये टॉप 10 मध्ये सात रिटेल कंपन्या या अमेरिकन आहेत. यात एक ब्रिटिश कंपनी, टेस्को पीएलसी दहाव्या क्रमांकावर आहे.

Share: